Wiltu ab lauffen, Von payden seytten soltu wauffen.

Hye lertt der meyster aber Eyn haubtstuck vnd sagtt wye du Im messer ab solt lauffen vnd sprich wiltu ab etc das soltu alzo verstan wenne du Im zuuechten zu Im kumbst vnd hast nahendt zu Im mit dem anpinden wiltu denn ablauffen mit dem messer so soltu da mit bayffen47 als dy frawen wan sy das garnn ab haspelen48 von payden seytten vnd thu geleych als dw nyder wollest setzen mit dem messer vnd laß das messer von payden seytten abgen dach49 das der dawmen albeg vntten stee auff der flech des messers vnd wenne dw denn Sichst das er deynem messer nach gett mit der versatzung Indes mach Eyn feler auff welch seytten du den man am gewisten meynst zu haben so triffestu In