Ein Hau mit einem langen Messer. Getroffen wird mit der kurzen Schneide, wobei beim hauen die Schwäche der klinge nach vorne - unten stürzt und das Gehilz nach oben gestreckt wird. Auch als verborgener Hau bekannt. Später auch als Meisterhau bezeichnet.
CGM 582 - 30r
Den wincker soltu erstrecken vnd dy meyster do mit erbecken zwiuach ler wincken zu der rechten von der lincken.
Hie sagt der meyster von dem sechsten stuck das do heisset der wincker vnd ist der hauptstuck eyns ym messer vnd geret woll auff dy freyfechter dy frey versetzen vnd ist eyn newer haw vnd stuck ym messer vnd ist seltzam vnd gutt wiltu das stuck machen So thu Im alzo stee mit deynem lincken fuß fur vnd halt deyn messer auff deyner rechten achsl stet er dan Im luginslandt So haw von deyner rechten achsel mit stracktem arme zu Im lanck eyn mit der langen schneyden vnd Im haw so windt gegen seynem messer vnd schlag In auff das haubt mit der kurzen schneyden yndes laß deyn messer sinken fur dein leib vnd ge durch Indes auff deyn lincke seytten mit gesenckten ortt vnd schlag In auff den kopff auff seyner rechten seytten mit der kurtzen schneyden etc